Corona Vaccine: మైనర్‌కు కరోనా టీకా.. పరిస్థితి ఆందోళనకరం

తాజా వార్తలు

Updated : 30/08/2021 06:40 IST

Corona Vaccine: మైనర్‌కు కరోనా టీకా.. పరిస్థితి ఆందోళనకరం

మొరెనా: కరోనా టీకా తీసుకున్న పదహారేళ్ల బాలుడు అస్వస్థతకు గురైనట్లు తెలుస్తోంది. ఈ ఘటన మధ్యప్రదేశ్‌లోని మొరెనా జిల్లాలో జరిగింది. మైనర్లకు టీకా కార్యక్రమం ప్రారంభం కానప్పటికీ సదరు బాలుడికి టీకా ఎలా ఇచ్చారనే దానిపై దర్యాప్తు చేస్తున్నట్లు ఓ సీనియర్‌ అధికారి తెలిపారు. అంబా తాలుకాలోని బాగ్‌కాపురకు చెందిన కమలేశ్‌ కుష్వాహా కుమారుడు పిల్లుకు ఓ కేంద్రంలో శనివారం టీకా వేశారు. ఆ తర్వాత అతనికి తల తిరగడం సహా నోటి నుంచి నురగ వచ్చిందని సమాచారం. దీంతో ఆంబాలోని వైద్యులు చికిత్స కోసం అతడిని గ్వాలియర్‌ తీసుకెళ్లాల్సిందిగా సూచించారు. ఈ ఘటనతో వ్యాక్సిన్‌ కేంద్రం వద్ద బాలుడి కుటుంబ సభ్యులు ఆందోళనకు దిగారు. అయితే పిల్లును గ్వాలియర్‌కు తీసుకెళ్లారా లేదా అని తెలుసుకుంటున్నట్లు జిల్లా ముఖ్య వైద్య, ఆరోగ్య అధికారి డా.ఎ.డి. శర్మ తెలిపారు. వివరాలు సేకరిస్తామని చెప్పారు.


Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని