Jallikattu: జల్లికట్టులో దేశీయ జాతుల ఎడ్లనే అనుమతించాలి: మద్రాస్‌ హైకోర్టు

తాజా వార్తలు

Published : 03/09/2021 01:53 IST

Jallikattu: జల్లికట్టులో దేశీయ జాతుల ఎడ్లనే అనుమతించాలి: మద్రాస్‌ హైకోర్టు

చెన్నై: తమిళనాడులో ఏటా ఉత్సాహంగా నిర్వహించే జల్లికట్టు క్రీడలో దేశీయ జాతుల ఎడ్లను మాత్రమే అనుమతించాలని మద్రాస్ హైకోర్టు రాష్ట్ర ప్రభుత్వాన్ని ఆదేశించింది. దిగుమతి చేసుకున్న, హైబ్రిడ్, సంకర జాతులను నిషేధించాలని జస్టిస్‌ ఎన్. కిరుబాకరన్, జస్టిస్‌ పి.వేల్‌మురుగన్‌తో కూడిన ధర్మాసనం ఇటీవల తన ఉత్తర్వుల్లో తెలిపింది. పశువుల కృత్రిమ గర్భధారణ ప్రక్రియ అనేది వాటిపై క్రూరత్వాన్ని ప్రదర్శించడం లాంటిదేనని పేర్కొంది. సహజ సంతానోత్పత్తి ప్రక్రియ అనేది వాటి ప్రాథమిక అవసరం అని, ఈ విషయంలో జోక్యం చేసుకోకూడదని చెప్పింది. లేనిపక్షంలో అవి యంత్రాల్లా మారిపోతాయని ఆందోళన వ్యక్తం చేసింది.

చెన్నైకి చెందిన శేషన్‌ దాఖలు చేసిన ప్రజాప్రయోజన వ్యాజ్యంపై విచారణ చేపట్టిన ధర్మాసనం.. ఈ మేరకు ఆదేశాలు జారీ చేసింది. ఈ క్రీడలో పాల్గొనే ఎడ్లు దేశీయ జాతులే అనే విషయాన్ని నిర్ధారించుకోవడానికి పశువైద్యుల నుంచి సంబంధిత ధ్రువపత్రాలు తీసుకోవాలని అధికారులకు కోర్టు సూచనలు చేసింది. ఈ క్రమంలోనే దేశీయ జాతుల పశువుల పెంపకాన్ని ప్రోత్సహించేలా పాడిరైతులకు రాయితీలు, ఇన్సెంటివ్‌లు ఇవ్వాలని రాష్ట్ర ప్రభుత్వానికి సూచించింది. మూగ జీవుల హక్కుల ఉల్లంఘన జరిగినప్పుడల్లా.. వాటి తరఫున న్యాయస్థానం మాట్లాడాల్సి వస్తోందని బెంచ్‌ వ్యాఖ్యానించింది. గతేడాది కరోనా మహమ్మారి విజృంభణ నేపథ్యంలో తమిళనాడు ప్రభుత్వం జల్లికట్టు క్రీడకు షరతులతో కూడిన అనుమతులు ఇచ్చిన విషయం తెలిసిందే.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని