Hyderabad police: నా పతకం పోలీస్‌ సేవలకు అంకితం: పీవీ సింధు

తాజా వార్తలు

Updated : 10/08/2021 17:48 IST

Hyderabad police: నా పతకం పోలీస్‌ సేవలకు అంకితం: పీవీ సింధు

హైదరాబాద్‌: టోక్యో ఒలింపిక్స్‌లో సాధించిన కాంస్య పతకాన్ని పోలీస్ శాఖ అందిస్తున్న సేవలకు అంకితం ఇస్తున్నట్లు భారత స్టార్‌ షట్లర్‌ పీవీ సింధు తెలిపారు. కొవిడ్ సమయంలో పోలీసులు ఎంతో ఉన్నతమైన సేవలు అందించారని సింధు కొనియాడారు. ఒలింపిక్స్‌లో కాంస్య పతకం సాధించిన సింధును హైదరాబాద్ కమిషనరేట్ కార్యాలయంలో సత్కరించారు. ఈ సందర్బంగా ‘ది సెకండ్ వేవ్’ పుస్తకాన్ని సింధు ఆవిష్కరించారు. రెండో విడత లాక్ డౌన్ సందర్భంగా పోలీసులు నిర్వహించిన విధులకు సంబంధించిన వివరాలతో ఈ పుస్తకాన్ని రూపొందించారు. అనంతరం హైదరాబాద్‌ సీపీ అంజనీకుమార్‌ మాట్లాడుతూ.. గత ఐదేళ్లుగా బ్యాడ్మింటన్ క్రీడపై సింధు తనదైన ముద్ర వేశారని కొనియాడారు. ఫిట్‌నెస్‌ను కాపాడుకుంటూ వరుసగా రెండు ఒలింపిక్స్‌లో పతకాలు సాధించడం ఆమె ప్రతిభకు నిదర్శనమన్నారు. ఈ కార్యక్రమంలో హైదరాబాద్ కమిషనరేట్ పరిధిలోని పోలీస్ ఉన్నతాధికారులు, ఏసీపీలు పాల్గొని సింధును అభినందించారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని